Nú fer undirbúningstími jólanna, aðventan, formlega að ganga í garð, en sunnudagurinn 30. nóvember er fyrsti sunnudagur í aðventu. Hefðbundið helgihald verður á sínum stað, aðventusunnudagaskóli kl. 11 og messa með altarisgöngu kl. 13. Um kvöldið býður Seljasókn svo til aðventuhátíðar, en stundin hefst kl. 17. Stundin verður að vanda hátíðleg og í senn heimagerð.
Aðventukvöld Seljakirkju kl. 17
Barnakór Seljakirkju syngur undir stjórn Rósulindar Gísladóttur og kór Seljakirku syngur undir sjtórn Tómasar Guðna.
Ragnhildur Helgadóttir, rektor Háskólans í Reykjavík og meðlimur í kirkjukór Seljakirkju, flytur aðventuhugvekju.
Kveikt verður á aðventuljósunum í myrkvaðri kirkjunni. Í lok stundarinnar verður boðið upp á heitt súkkulaði og smákökur í safnaðarheimili.
Komumst í hátíðarskap á aðventunni með Seljakirkju!